O centro In.fórmate Santiago imparte o curso “Operacións auxiliares de servizos administrativos e xerais”.

Trátase dun curso gratuíto, 100% presencial, que permite obter un certificado profesional. O alumnado tamén terá dereito a percibir bolsas por desprazamento e outros conceptos dependendo da súa situación persoal.

É un certificado profesional de nivel 1, dirixido maioritariamente a persoas desempregadas que estean de alta como demandantes de emprego, aínda que tamén poderán realizalo persoas ocupadas.

O curso enmárcase dentro das Accións formativas dirixidas preferentemente a persoas desempregadas (AFD) na Comunidade Autónoma de Galicia. A formación está subvencionada pola Consellería de Emprego, Comercio e Emigración da Xunta de Galicia e o Ministerio de Educación, Formación Profesional e Deportes.

Destinatarios do curso

Para acceder como alumnos/as a esta formación non se require ningunha titulación académica.

Curso “ADGG0408 Operacións auxiliares de servizos administrativos e xerais” en In.fórmate Santiago

(Rúa Curros Enríquez, 13 | Tlf. 665 298 701 | afdsantiago@informateoposiciones.es)

• Nivel 1
• Modalidade: 100% presencial
• Nº de horas na aula: 378 h.
• Nº horas prácticas en empresa: 80 h.
• Nº horas totais: 458 h.
• Horario: de 9:00 a 15:00 horas
• Máis información: https://www.informateoposiciones.es/curso/operaciones-de-grabacion-y-tratamiento-de-datos-y-documentos?id=679
• Inscríbete a través da seguinte ligazón: https://www.informateoposiciones.es/inscripcion?id_calendario=679

Contidos do curso

No curso aprenderás a:

• Realizar e integrar operacións de apoio administrativo básico.
• Transmitir e recibir información operativa en xestións rutineiras con axentes externos da organización.
• Realizar operacións auxiliares de reprodución e arquivo en soporte convencional ou informático.

Postos de traballo

Os postos de traballo que poderás desempeñar tras a obtención do Certificado de profesionalidade son os seguintes:

• Operadores/as de central telefónica. Teleoperadores/as. Recepcionistas-telefonistas en oficinas, en xeral.
• Empregados/as de portelo de correos.
• Clasificadores/as-repartidores/as de correspondencia.
• Ordenanzas. Empregados/as de despacho de billetes.
• Auxiliar de servizos xerais.
• Auxiliar de oficina.
• Auxiliar de arquivo.
• Auxiliar de información.