En In.fórmate temos aberta a preinscrición nas accións formativas dirixidas a persoas traballadoras, preferentemente desempregadas, na Comunidade Autónoma de Galicia (AFDs).

Son cursos gratuítos, 100% presenciais, que permiten obter un certificado profesional.

O alumnado que participe nestas accións formativas terá dereito a percibir becas por desprazamento e outros conceptos, dependendo da súa situación persoal.

A formación está subvencionada pola Consellería de Emprego, Comercio e Emigración da Xunta de Galicia e o Ministerio de Educación, Formación Profesional e Deportes.

Certificados profesionais

Un certificado profesional é unha titulación oficial que ten validez en todo o territorio nacional. Quen se forma nun certificado profesional adquire as competencias profesionais requiridas para desempeñar a actividade laboral correspondente. Tras finalizar e superar a formación teórica realizarase formación en empresa.

Estes son algúns dos certificados profesionais nos que xa podes preinscribirte:

• Operacións auxiliares de servizos administrativos e xerais 
• Operacións de gravación e tratamento de datos e documentos 
• Xestión integrada de recursos humanos
• Organización e xestión de almacéns 
• Xestión de márketing e comunicación
• Habilitación para a docencia en graos A, B e C do sistema de formación profesional 
• Atención ao cliente, consumidor ou usuario
• Seguridade informática
• Confección e publicación de páxinas web
• Actividades de xestión administrativa 
• Creación e xestión de microempresas
• Financiación de empresas
• Xestión contable e xestión administrativa para auditoría 
• Asistencia documental e de xestión en despachos e oficinas
• Promoción turística local e información ao visitante 
• Marketing e compravenda internacional
• Xestión ambiental 

Descubre a oferta formativa completa para o curso 25/26 na seguinte ligazón:

 Reserva a túa praza aquí!

Para calquera dúbida ou consulta podes contactar co teu centro In.fórmate máis próximo: 

• A Coruña: R/ Marqués de Amboage, 12 (653 995 306 / 692374 222) afdcoruna@informateoposiciones.es
• Carballo: R/ Vila de Corcubión, 5 (665 298 357) afdcarballo@informateoposiciones.es
• Ferrol: R/ Cuntis, 50 (675 084 295 / 653 964 259) afdferrol@informateoposiciones.es
• Lugo: Pza. Conde de Fontao, 4 (675 625 896) afdlugo@informateoposiciones.es
• Monforte de Lemos (Centro de Estudios Pondal): R/ Ourense, 121, Baixo (666 023 179) afdmonforte@informateoposiciones.es
• Ourense (Centro de Estudios Pondal): R/ Antonio Sáenz Díez, 8 (665 313 809) afdourense@informateoposiciones.es
• Pontevedra: R/ Eduardo Pondal, 72 (691 118 580) afdpontevedra@informateoposiciones.es
• Santiago: R/ Curros Enríquez, 13 ( 665 298 701 / 654 547 399) afdsantiago@informateoposiciones.es
• Vigo: R/ Gregorio Espino, 50 (652 837 814 / 665 296 923) afdvigo@informateoposiciones.es

Arraigo socioformativo

Estes cursos favorecen a inclusión social e fomentan o emprego. Por iso, esta formación ten tamén moita relevancia para os estranxeiros que residen en Galicia.

A nova Lei de Estranxeiría introduciu cambios nesta liña, un dos máis importantes, o arraigo por formación.

Esta figura permite conseguir un permiso de residencia legal, válido por un período de 12 meses, a aquelas persoas inmigrantes que leven 2 anos en España e queiran obter unha formación que lles axude a inserirse laboralmente.

O arraigo socioformativo é unha vía para que as persoas en situación irregular en España poidan conseguir os seus papeis e unha autorización para formarse en ocupacións nas que se precisa persoal. Ademais, despois poderán traballar se conseguen un contrato.

Este sistema implica que a persoa estranxeira acredite o seu compromiso para participar nun programa de formación, entre os que están os cursos que oferta In.fórmate e proporcionan certificados de profesionalidade.

Para acceder a este arraigo por formación é tamén importante que as persoas interesados se matriculen nun curso no prazo de 3 meses desde que se lles concede a autorización de residencia.

Unha vez que se supere a formación, e mentres estea vixente a autorización de residencia, poderase solicitar a autorización de residencia e traballo ante a Oficina de  Estranxeiría.

Haberá que aportar un contrato de traballo e tamén acreditar ter superada a formación vinculada a ese arraigo.