Certificado profesional

Os centros In.fórmate de A Coruña e Santiago inician en breve o curso “Xestión integrada de recursos humanos”.

Trátase dun curso gratuíto, 100% presencial, que permite obter un certificado profesional. O alumnado tamén terá dereito a percibir bolsas por desprazamento e outros conceptos dependendo da súa situación persoal.

É un certificado profesional de Nivel 3, dirixido maioritariamente a persoas desempregadas que estean de alta como demandantes de emprego, aínda que tamén poderán realizalo persoas ocupadas.

O curso enmárcase dentro das Accións formativas dirixidas preferentemente a persoas desempregadas (AFD) na Comunidade Autónoma de Galicia. A formación está subvencionada pola Consellería de Emprego, Comercio e Emigración da Xunta de Galicia e o Ministerio de Educación, Formación Profesional e Deportes.

Destinatarios do curso

Poderán acceder como alumnos e alumnas aqueles que teñan como mínimo unha titulación de BUP ou COU, FPII, Bacharelato, Ciclo medio, que realizasen un certificado profesional de nivel 3, que superasen a proba de acceso á universidade para maiores de 25 ou 45 anos, que realizasen un certificado profesional da mesma familia e área profesional ou ter o certificado de apto nas competencias clave correspondentes para acceder a certificados de nivel 3.

Duración e modalidade

O curso conta con 15 prazas, ten unha duración de 808 horas, das cales 688 horas serán impartidas na aula (5 horas diarias) e 120 horas serán prácticas en empresas (máximo 8 horas diarias).

Curso “ADGD0208 – Xestión integrada de recursos humanos” en In.fórmate A Coruña

(Rúa Marqués de Amboage, 12 | Tlf. 653 995 306 | afdcoruna@informateoposiciones.es)

• Nivel 3
• Modalidade: 100% presencial
• Nº de horas na aula: 688 h.
• Nº horas prácticas en empresa: 120 h.
• Nº horas totais: 808 h.
• Horario: de 9:00 a 14:00 horas
• Fecha previsible de inicio: 25/11/2024
• Máis información: https://www.informateoposiciones.es/curso/gestion-integrada-de-rrhh?id=713
• Inscríbete a través da seguinte ligazón: https://www.informateoposiciones.es/inscripcion?id_calendario=713

Curso “ADGD0208 – Xestión integrada de recursos humanos” en In.fórmate Santiago

(Rúa Curros Enríquez, 13 | Tlf. 665 298 702 | afdsantiago@informateoposiciones.es)

• Nivel 3
• Modalidade: 100% presencial
• Nº de horas na aula: 688 h.
• Nº horas prácticas en empresa: 120 h.
• Nº horas totais: 808 h.
• Horario: de 9:00 a 14:00 horas
• Fecha previsible de inicio: 25/11/2024
• Máis información: https://www.informateoposiciones.es/curso/gestion-integrada-de-rrhh?id=715
• Inscríbete a través da seguinte ligazón: https://www.informateoposiciones.es/inscripcion?id_calendario=715

Contidos do curso

No curso aprenderás a:

• Realizar a xestión e control administrativo de recursos humanos.
• Realizar o apoio administrativo ás tarefas de selección, formación e desenvolvemento de recursos humanos.
• Administrar os sistemas de información e arquivo, en soporte convencional e informático.
• Manexar aplicacións ofimáticas na xestión da información e a documentación.

Postos de traballo

Os postos de traballo que poderás desempeñar tras a obtención do certificado profesional son os seguintes:

• Técnico/a Superior de Recursos Humanos.
• Técnico/a Medio/a en Relacións Laborais.
• Administrativo/a de Persoal.
• Administrativo/a do Departamento de Recursos Humanos.
• Responsable de Persoal en PEME.
• Xestor/a de Nóminas.
• Técnico/a de Recursos Humanos.