Certificado profesional

Os centros In.fórmate de Lugo e Ferrol inician en breve o curso “Actividades administrativas na relación co cliente”.

Trátase dun curso gratuíto, 100% presencial, que permite obter un certificado profesional. O alumnado tamén terá dereito a percibir bolsas por desprazamento e outros conceptos dependendo da súa situación persoal.

É un certificado profesional de nivel 2, dirixido maioritariamente a persoas desempregadas que estean de alta como demandantes de emprego, aínda que tamén poderán realizalo persoas ocupadas.

O curso enmárcase dentro das Accións formativas dirixidas preferentemente a persoas desempregadas (AFD) na Comunidade Autónoma de Galicia. A formación está subvencionada pola Consellería de Emprego, Comercio e Emigración da Xunta de Galicia e o Ministerio de Educación, Formación Profesional e Deportes.

Destinatarios do curso

Poderán acceder como alumnos e alumnas todas aquelas persoas que teñan como mínimo unha titulación de ESO, FPI, Título profesional básico, 2º de BUP (cun máximo de dúas materias pendentes entre os cursos 1º e 2º de BUP), ter superada a proba de acceso á universidade para maiores de 25 ou 45 anos, ter superada a proba de acceso a ciclos de grao medio, un certificado profesional de nivel 2, un certificado profesional da mesma familia e área profesional de nivel 1 ou ter o certificado de apto nas competencias clave correspondentes para acceder a certificados de nivel 2.

Duración e modalidade

O curso conta con 15 prazas, ten unha duración de 818 horas, das cales 698 horas serán impartidas na aula (5 horas diarias) e 120 horas serán prácticas en empresas (máximo 8 horas diarias).

Curso “ADGG0208 - Actividades administrativas na relación co cliente” en In.fórmate Lugo

(Praza Conde de Fontao, 4 | Tlf. 675 625 896| afdlugo@informateoposiciones.es)

• Nivel 2
• Modalidade: 100% presencial
• Nº de horas na aula: 698 h.
• Nº horas prácticas en empresa: 120 h.
• Nº horas totais: 818 h.
• Horario: de 9:00 a 14:00 horas
• Fecha previsible de inicio: 20/11/2024
• Máis información: https://www.informateoposiciones.es/curso/actividades-administrativas-en-la-relacion-con-el-cliente?id=684
• Inscríbete a través da seguinte ligazón: https://www.informateoposiciones.es/inscripcion?id_calendario=684

Curso “ADGG0208 - Actividades administrativas na relación co cliente” en In.fórmate Ferrol

(Rúa Cuntis, 50 | Tlf. 675 084 295 | afdferrol@informateoposiciones.es)

• Nivel 2
• Modalidade: 100% presencial
• Nº de horas na aula: 698 h.
• Nº horas prácticas en empresa: 120 h.
• Nº horas totais: 818 h.
• Horario: de 16:00 a 21:00 horas
• Fecha previsible de inicio: 18/11/2024
• Máis información: https://www.informateoposiciones.es/curso/actividades-administrativas-en-a-relacion-con-o-cliente?ide=555
• Inscríbete a través da seguinte ligazón: https://www.informateoposiciones.es/inscripcion?id_calendario=683

Contidos do curso

No curso aprenderás a:

• Recibir e procesar as comunicacións internas e externas.
• Realizar as xestións administrativas do proceso comercial.
• Introducir datos e textos en terminais informáticos en condicións de seguridade, calidade e eficiencia.
• Xestionar o arquivo en soporte convencional e informático.
• Comunicarse nunha lingua estranxeira cun nivel de usuario independente limiar B1 (equivalente a intermedio) nas actividades de xestión administrativa en relación co cliente.
• Manexar aplicacións ofimáticas na xestión da información e a documentación.

Postos de traballo

Os postos de traballo que poderás desempeñar tras a obtención do certificado profesional son os seguintes:

• Telefonista-Recepcionista de Oficina.
• Telefonista.
• Empregado Administrativo de servizos de almacenamento e recepción.
• Recepcionista en establecementos distintos de oficinas, en xeral.
• Azafata de información.
• Operador-Gravador de datos en Computador.
• Auxiliar administrativo con tarefas de atención ao público, non clasificados anteriormente.
• Auxiliar de apoio administrativo á xestión de compra e/ou venda.
• Auxiliar administrativo comercial.
• Auxiliar de control e información.